വടക്കേക്കാട്: പഞ്ചായത്തിെൻറ പദ്ധതിയിൽ ദലിത് കുടുംബത്തിന് അനുവദിച്ച കിണർ കുഴിക്കാൻ തുടങ്ങിയതോടെ നിർത്തിവെക്കാൻ പഞ്ചായത്തിെൻറ നോട്ടീസ്. വടക്കേക്കാട് കൗക്കാനപ്പെട്ടിയിൽ വാലത്തിൽ തങ്കയുടെ വീട്ടിലേക്കാണ് കഴിഞ്ഞ ദിവസം അധികൃതർ അറിയിപ്പുമായെത്തിയത്. അതിർത്തി തർക്കമുള്ള സ്ഥലമാണെന്ന് തൊട്ടസ്ഥലത്തിെൻറ ഉടമയുടെ പരാതിയിലാണ് നടപടിയെന്ന് പറഞ്ഞപ്പോൾ തങ്ക നോട്ടീസ് കൈപ്പറ്റിയില്ല. കാലങ്ങളായി താമസിക്കുന്ന നാല് സെൻറ് ഭൂമിയിലേക്ക് മനുഷ്യാവകാശ കമീഷൻ ഇടപെട്ടാണ് വഴി ലഭിച്ചതെന്നും അതിർത്തിയിൽ നിന്ന് ഉള്ളിലേക്ക് നീക്കിയാണ് കിണർ കുഴിക്കുന്നതെന്നും തങ്ക പറഞ്ഞു. വ്യാഴാഴ്ച സന്ധി സംഭാഷണത്തിനായി പഞ്ചായത്തിൽ നിന്ന് ആളെത്തി. വെള്ളിയാഴ്ച വൈകീട്ട് മൂന്നിന് പഞ്ചായത്തിലെത്താൻ ആവശ്യപ്പെട്ട് നൽകിയ നോട്ടീസ് തങ്ക സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.