ഡറാഡൂൺ: അഞ്ചു കോടിയുടെ ഹെറോയിനും തോക്കുമായി രണ്ടു സൈനികരടക്കം മൂന്നുപേർ പിടിയിലായി. ഡറാഡൂണിലെ സൈനിക ആശുപത്രിയിൽ ജോലിചെയ്യുന്ന ഫൂൽ സിങ് യാദവ്, രാജു ശൈഖ് എന്നിവരും രാജു ശൈഖിെൻറ ബന്ധു മഞ്ചു റഹ്മാനുമാണ് നന്ദകി ചൗക്കിയിൽ പ്രേംനഗർ പൊലീസിെൻറ പിടിയിലായത്. പ്രതികൾ സഞ്ചരിച്ച വാഹനം സംശയംതോന്നി പരിശോധിക്കുന്നതിനിടയിലാണ് ഒരു കിലോ ഹെറോയിനും റിവോൾവറും 13 തിരകളുടെ കാട്രിഡ്ജുകളും പിടികൂടിയത്. മഞ്ചു റഹ്മാെൻറ സഹായത്തോടെ സൈനികർ പശ്ചിമ ബംഗാളിലെ നാദിയ ജില്ലയിൽനിന്ന് ഡറാഡൂണിൽ വിൽപനക്ക് മയക്കുമരുന്ന് കൊണ്ടുവരുകയായിരുന്നുവെന്ന് ഡറാഡൂൺ പൊലീസ് സൂപ്രണ്ട് നിവേദിത കുക്രെതി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.