തൃശൂര്: ജയിലില്നിന്ന് കോടതിയില് കൊണ്ടുവന്ന ഗുണ്ടത്തലവൻ കടവി രഞ്ജിത്തിന് കഞ്ചാവും ലഹരിഗുളികകളും കൈമാറാൻ എത്തിയവരെ ഷാഡോ പൊലീസ് പിടികൂടി. നെല്ലങ്കര സ്വദേശി പേരകത്ത് പ്രവീണ്കുമാര് (20), കിഴക്കുംപാട്ടുകര പയ്യപ്പാട് ഗോകുല് (20) എന്നിവരാണ് പിടിയിലായത്. കടവി രഞ്ജിത്തിനെയും കൂട്ടാളി ജിയോയെയും കോടതിയില് കൊണ്ടുവന്ന സമയത്താണ് ഇവർ കഞ്ചാവും ഗുളികകളുമായി എത്തിയത്. ഷാഡോ പൊലീസ് നിരീക്ഷിക്കുന്നത് മനസ്സിലാക്കി ബൈക്കില് രക്ഷപ്പെട്ട പ്രതികളെ ദിവാന്ജിമൂല പരിസരത്തുനിന്നാണ് പിടികൂടിയത്. ഇവരില്നിന്ന് 20 ലഹരിഗുളിക കണ്ടെടുത്തു. ഈസ്റ്റ് എസ്.ഐ സിദ്ദീഖ് അബ്ദുൽ ഖാദറിെൻറ നേതൃത്വത്തിലാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.