തൃശൂർ: ആതുര വിദ്യഭ്യാസ രംഗത്ത് നിസ്തുല സേവനം നൽകുന്ന ക്രൈസ്തവസഭയെ മാധ്യമങ്ങൾ വേട്ടയാടുന്നുവെന്ന് തൃശൂർ അതിരൂപത ആർച് ബിഷപ് മാർ ആൻഡ്രൂസ് താഴത്ത്. കെ.സി.വൈ.എം അതിരൂപത സമിതി യുവജന സംഗമം ഉദ്ഘാടനം ചെയ്യുകയായിരുന്നു ബിഷപ്. വിശ്വാസ സംബന്ധമായ വെല്ലുവിളികളാണ് യുവജനങ്ങൾ നേരിടുന്ന വലിയ വെല്ലുവിളിെയന്നും ബിഷപ് പറഞ്ഞു. അതിരൂപത പ്രസിഡൻറ് അനൂപ് പുന്നപ്പുഴ അധ്യക്ഷത വഹിച്ചു. നടി മാളവിക മുഖ്യാഥിതിയായി. അതിരൂപത ഡയറക്ടർ ഫാ.ഡിറ്റോ കൂള, അസി.ഡയറക്ടർ ഫാ.ജെറിൻ അരിമ്പൂർ, കെ.സി.ബി.സി യുവജന കമീഷൻ സെക്രട്ടറി ഫാ. മാത്യു ജേക്കബ്, സി. ടീന മരിയ, എം.പി. സിജോ, മേരി റെജീന എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.