തൃപ്രയാർ: തിരക്കേറിയ തൃപ്രയാർ ജങ്ഷനിലെ നടപ്പാത തകർന്നു. സ്ലാബ് തകർന്നത് കാൽനടക്കാർക്ക് അപകടഭീഷണിയായി. പൊതുമരാമത്ത് വക റോഡ് ദേശീയപാത 17ൽ ചേരുന്നിടത്തെ സ്ലാബാണ് തകർന്നത്. ദേശീയപാതയിൽനിന്ന് കിഴക്കോട്ട് തിരിയുന്ന ബസുകളടക്കമുള്ള വലിയ വാഹനങ്ങൾ ഈ സ്ലാബിലൂടെയാണ് കയറിയിറങ്ങുക. പലതവണ സ്ലാബ് തകർന്നെങ്കിലും ദേശീയപാത അധികൃതർ തിരിഞ്ഞുനോക്കാറില്ല. നാട്ടിക ഗ്രാമപഞ്ചായത്ത് അധികൃതരാണ് താൽക്കാലികമായി അറ്റകുറ്റപ്പണി നടത്തിയത്. നാലമ്പല തീർഥാടന കാലമായതിനാൽ യാത്രക്കാരുടെ തിരക്കും അപകടസാധ്യതയും വർധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.