തൃശൂര്: 35ാമത് സംസ്ഥാന സബ് ജൂനിയര് ഫുട്ബാള് ചാമ്പ്യന്ഷിപ് തൃശൂര് കോര്പറേഷന് സ്റ്റേഡിയത്തില് ആരംഭിച്ചു. ആദ്യ മത്സരത്തില് വയനാട് പാലക്കാടിനെയും രണ്ടാമത്തെ മത്സരത്തില് തിരുവനന്തപുരം ഇടുക്കിയെയും ഏകപക്ഷീയമായ ഓരോ ഗോളിന് തോല്പിച്ചു. ഉച്ചക്ക് ശേഷം തിരുവനന്തപുരവും പാലക്കാടും തമ്മിലുള്ള മത്സരം ഗോള് രഹിത സമനിലയില് പിരിഞ്ഞു. ആദ്യ ദിവസത്തെ അവസാന മത്സരത്തില് വയനാടിനായിരുന്നു ജയം. നാലിനെതിരെ രണ്ട് ഗോളുകള്ക്കാണ് വയനാട് ഇടുക്കിയെ തകര്ത്തത്. തൃശൂര് ഫുട്ബാള് അസോസിയേഷന് പ്രസിഡന്റ് സി.പി.സാലിഹ് മത്സരം ഉദ്ഘാടനം ചെയ്തു. ഞായറാഴ്ച രാവിലെ നടക്കുന്ന മത്സരങ്ങളില് പാലക്കാട് ഇടുക്കിയെയും വയനാട് തിരുവന്തപുരത്തെയും നേരിടും. ഉച്ചക്ക് ശേഷം നടക്കുന്ന മത്സരങ്ങളില് കണ്ണൂര് കോട്ടയത്തെയും കൊല്ലം തൃശൂരിനെയും നേരിടും. മത്സരങ്ങള് 11ന് അവസാനിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.