പന്തളം: പൂഴിക്കാട് സെൻറ് സ്റ്റീഫൻസ് കത്തോലിക്ക പള്ളിയിൽ തിങ്കളാഴ്ച രാത്രി മോഷണം നടന്നു. പള്ളിയുടെ പൂട്ട് തകർത്ത് അകത്തുകടന്ന മോഷ്ടാക്കൾ തടികൊണ്ടുണ്ടാക്കിയ കാണിക്കവഞ്ചി തകർത്ത് പണം അപഹരിച്ചു. പള്ളിക്കു മുൻവശെത്ത കുരിശടിയിലെ കാണിക്കവഞ്ചിയും കുത്തിത്തുറന്ന് പണമെടുത്തു. മദ്ബഹയിൽ കയറിയ മോഷ്ടാക്കൾ അലമാരക്കുള്ളിൽ സൂക്ഷിച്ചിരുന്ന തിരുവസ്ത്രങ്ങളും പള്ളി ഉപകരണങ്ങളും വലിച്ചുവാരിയിട്ടു. പന്തളം എസ്.ഐ എസ്. സനൂജ്, ഫിംഗർപ്രിൻറ് വിഭാഗം ടെസ്റ്റർ ഇൻസ്പെക്ടർ ഹരിപ്രസാദ്, ഫിംഗർപ്രിൻറ് വിദഗ്ധ ഷൈലജാകുമാരി എന്നിവരും എസ്.ഐ ജി. പ്രസാദിെൻറ നേതൃത്വത്തിലെത്തിയ ഡോഗ്സ്ക്വാഡും പരിശോധന നടത്തി. പള്ളിയിൽ നാശനഷ്ടം വരുത്തിയതിൽ ഫാ. സാം പാരുവേലിൽ, നഗരസഭ സ്റ്റാൻഡിങ് കമ്മിറ്റി ചെയർപേഴ്സൺ ആനിജോൺ, കൗൺസിലർ നിഷാജോൺ എന്നിവർ പ്രതിഷേധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.