പത്തനംതിട്ട: ശബരിമല ദര്‍ശനം കഴിഞ്ഞ് മടങ്ങിയ തീര്‍ഥാടകരുടെ വാഹനം കെ.എസ്.ആര്‍.ടി.സിയുമായി കൂട്ടിയിടിച്ച് അഞ്ചുപേര്‍ക്ക് പരിക്ക്. പരിക്കേറ്റ ഇവരെ നിലക്കല്‍ ഗവ.ഹോസ്പിറ്റലില്‍ പ്രാഥമിക ശുശ്രൂഷകള്‍ക്കുശേഷം കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. എറണാകുളം ആലുവ സ്വദേശികളാണ് പരിക്കേറ്റവര്‍. നീറിക്കോട് കൊടുവഴങ്ങ് കോഴിക്കല്‍ വീട്ടില്‍ രതീഷ് (36), മാതാവ് രാധ (60), രതീഷിന്‍െറ മകള്‍ ആര്‍ദ്ര (10), നീറിക്കോട് കൊടുവഴങ്ങ പത്തുപറയില്‍ പി.കെ. സുഗതന്‍ (62) കാര്‍ ഡ്രൈവര്‍ നീറിക്കോട് കൊടുവഴങ്ങ തൊണ്ടിപ്പറമ്പില്‍ റിജുകുമാര്‍(45) എന്നിവര്‍ക്കാണ് പരിക്കേറ്റത്. ബുധനാഴ്ച ഉച്ചക്ക് ശബരിമല പാതയില്‍ അട്ടത്തോടിനും പ്ളാംതോടിനും ഇടയിലായിരുന്നു അപകടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.