നിലമ്പൂർ: യുവാക്കൾക്ക് മയക്കുമരുന്ന് വിൽപന നടത്താൻ വന്നതാണെന്നാരോപിച്ച് യുവാവിനെ നാട്ടുകാർ പിടികൂടി പൊലീസിന് കൈമാറി. മമ്പാട് പൊങ്ങല്ലൂരിൽ ഞായറാഴ്ച വൈകീട്ട് അഞ്ചുമണിയോടെയാണ് സംഭവം. വിദ്യാർഥികളായ യുവാക്കൾക്ക് മയക്കുമരുന്ന് എത്തിക്കുന്ന യുവസംഘം പ്രദേശത്ത് വരാറുണ്ടെന്ന് നാട്ടുകാർക്ക് നേരത്തെ സൂചന ലഭിച്ചിരുന്നു. ഇതേ തുടർന്ന് നാട്ടുകാരുടെ നേതൃത്വത്തിൽ നിരീക്ഷണം നടത്തി വരുന്നതിനിടെയാണ് അരീക്കോട് സ്വദേശിയായ യുവാവിനെ നാട്ടുകാർ പിടികൂടിയത്. ഇയാൾ മയക്കുമരുന്ന് വിൽപന നടത്താൻ വന്നതാണെന്നാണ് നാട്ടുകാരുടെ ആരോപണം. എന്നാൽ, ഇയാളിൽനിന്ന് അത്തരം വസ്തുക്കളൊന്നും ലഭിച്ചിട്ടില്ല. നിലമ്പൂർ സി.ഐ കെ.എം. ബിജുവിെൻറ നേതൃത്വത്തിലെത്തിയ പൊലീസാണ് യുവാവിനെ കസ്റ്റഡിയിലെടുത്തത്. പൊലീസിന് ഇയാളിൽനിന്ന് ഒന്നും ലഭിച്ചിട്ടില്ല. അതേസമയം, ഇയാളുടെ കൂടെ മറ്റൊരു യുവാവും ഉണ്ടായിരുന്നതായി നാട്ടുകാർ പറഞ്ഞു. ഇയാളെ പിടികൂടാൻ കഴിഞ്ഞിട്ടില്ല. തെൻറ കൂടെ പഠിക്കുന്ന സുഹൃത്തിനെ കാണാനാണ് വന്നതെന്നാണ് യുവാവിെൻറ മൊഴി. നാട്ടുകാർ തന്നെ മർദിച്ചെന്നും ഇയാൾ പൊലീസിനോട് പറഞ്ഞു. യുവാവിനെത്തിരെ കേസെടുത്തിട്ടില്ലെന്നും സംഭവത്തെ കുറിച്ച് അന്വേഷണം നടത്തിവരുകയാണെന്നും സി.ഐ കെ.എം. ബിജു പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.