പത്തിരിപ്പാല (പാലക്കാട്): അനാഥമന്ദിരത്തിൽ താമസിച്ചുപഠിക്കുന്ന 14കാരിയെ പീഡിപ്പിച്ച അധ്യാപകനെ അറസ്റ്റ് ചെയ്തു. പെരിന്തൽമണ്ണ പൂന്താനം സ്വദേശി ഹസൻ ബാഖവിയെയാണ് (48) പത്തിരിപ്പാലയിൽനിന്ന് അറസ്റ്റ് ചെയ്തത്. പെൺകുട്ടിയെ മുറിയിൽ വിളിച്ചുവരുത്തി പീഡിപ്പിച്ചതിനാണ് പോക്സോ നിയമപ്രകാരം കേസെടുത്തത്. ആഗസ്റ്റ് രണ്ടുവരെ പാലക്കാട് ജുഡീഷ്യൽ മജിസ്ട്രേറ്റ് കോടതിയിൽ റിമാൻഡ് ചെയ്തു. പെൺകുട്ടിയിൽനിന്ന് വിവരം ശേഖരിച്ച ശേഷം പാലക്കാട് ചൈൽഡ് ലൈൻ പ്രവർത്തകർ ഒറ്റപ്പാലം പൊലീസിന് പരാതി കൈമാറുകയായിരുന്നു. സ്ഥാപനം മങ്കര സ്റ്റേഷൻ പരിധിയിലായതിനാൽ മങ്കര പൊലീസാണ് നടപടിയെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.