വള്ളിക്കുന്ന്: പൊതുജലാശയങ്ങളിലെ മത്സ്യ സമ്പത്ത് വര്ധിപ്പിക്കുന്നതിനായി ഫിഷറീസ് വകുപ്പിെൻറ നേതൃത്വത്തിൽ ചെമ്മീന് കുഞ്ഞുങ്ങളെ പുഴയിൽ നിക്ഷേപിക്കുന്ന റാഞ്ചിങ് പദ്ധതിക്ക് തുടക്കം. കടലുണ്ടിപ്പുഴയിലെ ഹീറോസ് നഗറിൽ ചെമ്മീൻ കുഞ്ഞുങ്ങളെ നിക്ഷേപിച്ച് തിരൂരങ്ങാടി ബ്ലോക്ക് പഞ്ചായത്ത് പ്രസിഡൻറ് കെ. അബ്ദുള്കലാം ഉദ്ഘാടനം ചെയ്തു. പദ്ധതിപ്രകാരം 3.60 ലക്ഷം ചെമ്മീന് കുഞ്ഞുങ്ങളെയാണ് നിക്ഷേപിച്ചത്. വള്ളിക്കുന്ന് പഞ്ചായത്ത് പ്രസിഡൻറ് വി.എന്. ശോഭന അധ്യക്ഷത വഹിച്ചു. ജില്ല ഫിഷറീസ് ഡെപ്യൂട്ടി ഡയറക്ടര് ജയനാരായണന്, മത്സ്യഭവന് ഓഫിസര് എന്. വിജയന്, പഞ്ചായത്ത് വൈസ് പ്രസിഡൻറ് കെ. ബിന്ദു, വികസനകാര്യ സ്റ്റാൻഡിങ് കമ്മിറ്റി ചെയര്മാന് നിസാര് കുന്നുമ്മല്, ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയര്മാന് ഇ. ദാസന്, ജില്ല പഞ്ചായത്ത് അംഗം എ.കെ. അബ്ദുറഹ്മാന്, ബ്ലോക്ക് അംഗം പ്രീത റാണി, പട്ടയില് ബാബുരാജ്, ആഷിഫ് മഷ്ഹൂദ് തുടങ്ങിയവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.