കല്ലടിക്കോട്: മലയോര മേഖലയിൽ ഒറ്റയാൻ വിലസുന്നു. കരിമ്പ ഗ്രാമപഞ്ചായത്തിലെ മലയോര മേഖലയിൽ ഒരാഴ്ചയായി കാട്ടാനയുടെ വിളയാട്ടം തുടരുകയാണ്. രാത്രി ഇരുട്ടിയാൽ കാടിറങ്ങുന്ന കാട്ടാന ജനവാസ മേഖലക്കടുത്ത് കൃഷിയിടങ്ങളിലെത്തി വിളകൾ നശിപ്പിച്ചാണ് കാട് കയറുന്നത്. കഴിഞ്ഞദിവസം പുതുക്കാട്, പൂഴിക്കുന്ന് എന്നിവിടങ്ങളിൽ ഒറ്റയാൻ ഇറങ്ങി സ്വതന്ത്ര വിഹാരം നടത്തിയിരുന്നു. ഇതിനിടയിൽ പൂഴിക്കുന്ന് മനക്കൽ കുട്ടപ്പ‍െൻറ തോട്ടത്തിൽ എത്തിയ ഒറ്റയാൻ വാഴ, തെങ്ങ്, കമുക് എന്നിവ നശിപ്പിച്ചു. മൂന്നേക്കർ, കരിമല, ചുള്ളിയാം കുളം, പാങ്ങ് എന്നിവിടങ്ങളിലും ഒറ്റയാൻ വിളയാടി. വന്യമൃഗ ശല്യം പ്രതിരോധിക്കാൻ ഒൗദ്യോഗികതലത്തിൽ തീരുമാനിച്ചിരുന്നെങ്കിലും തുടർ പ്രവർത്തനം എങ്ങുമെത്തിയില്ലെന്ന് കർഷകർ പരാതിപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.