കൊണ്ടോട്ടി: പുതിയ ഹജ്ജ് നയം സംബന്ധിച്ച് സംസ്ഥാന ഹജ്ജ് കമ്മിറ്റി തയാറാക്കിയ പ്രമേയം കേന്ദ്ര ഹജ്ജ് കമ്മിറ്റിക്ക് സമർപ്പിച്ചു. തിങ്കളാഴ്ച മുംബൈയിൽ ചേർന്ന കേന്ദ്ര ഹജ്ജ് കമ്മിറ്റി യോഗത്തിലാണ് ചെയർമാൻ ചൗധരി മെഹ്ബൂബ് അലി കൈസറിന് സംസ്ഥാന ഹജ്ജ് കമ്മിറ്റി ചെയർമാൻ തൊടിയൂർ മുഹമ്മദ് കുഞ്ഞ് മൗലവി പ്രമേയം കൈമാറിയത്. സെപ്റ്റംബർ 23ന് കോഴിക്കോട്ട് മന്ത്രി കെ.ടി. ജലീലിെൻറ അധ്യക്ഷതയിൽ ചേർന്ന വിവിധ സമുദായ സംഘടനകൾ, ജനപ്രതിനിധികൾ, സംസ്ഥാന ഹജ്ജ് കമ്മിറ്റി അംഗങ്ങൾ എന്നിവരുടെ യോഗതീരുമാനപ്രകാരമാണ് പ്രമേയം തയാറാക്കിയത്. ഹജ്ജ് നയം സംബന്ധിച്ച് നവംബർ രണ്ടിന് ഡൽഹിയിൽ നടക്കുന്ന യോഗശേഷം തീരുമാനം അറിയാമെന്ന് കേന്ദ്ര ഹജ്ജ് കമ്മിറ്റി ചെയർമാനെ ഉദ്ധരിച്ച് തൊടിയൂർ മുഹമ്മദ് കുഞ്ഞ് മൗലവി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.