കെട്ടിട ഉടമകളുടെ പ്രശ്നങ്ങൾ പരിഹരിക്കും --മന്ത്രി കെ.ടി. ജലീൽ മലപ്പുറം: കെട്ടിട ഉടമകളുടെ പ്രശ്നങ്ങൾ പരിഹരിക്കാൻ സത്വര നടപടി സ്വീകരിക്കുമെന്നും പ്രശ്നങ്ങൾ അനുഭാവപൂർവം പരിഗണിക്കുമെന്നും മന്ത്രി കെ.ടി. ജലീൽ. കേരള ബിൽഡിങ് ഓണേഴ്സ് വെൽഫെയർ അസോസിയേഷൻ ഭാരവാഹികൾ നൽകിയ നിവേദനത്തിന് മറുപടി ആയാണ് അദ്ദേഹം ഇക്കാര്യമറിയിച്ചത്. നിസ്സാര കാരണങ്ങൾ പറഞ്ഞ് കെട്ടിട നമ്പർ നൽകുന്നതിലെ കാലതാമസം ഒഴിവാക്കുക, സർക്കാർ ഉത്തരവ് പാലിക്കാതെ പഞ്ചായത്ത്/മുനിസിപ്പാലിറ്റികൾ നടത്തുന്ന നികുതി പിരിവ് ഒഴിവാക്കുക തുടങ്ങിയ വിവിധ ആവശ്യങ്ങളാണ് നിവേദനത്തിൽ ഉന്നയിച്ചത്. പ്രസിഡൻറ് ഇല്യാസ് വടക്കൻ, സെക്രട്ടറി പി.പി. അലവിക്കുട്ടി, എ.എം. ഹംസ, പി. ഉമ്മർ ഹാജി, ഇബ്നു ആദം, മാലങ്ങാടൻ മുഹമ്മദ്, പി.വി. നജീബ് എന്നിവരാണ് നിവേദക സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.