പൊന്നാനി: പൊന്നാനി- കുറ്റിപ്പുറം ദേശീയ പാതയിലെ അപകടങ്ങൾക്ക് തടയിടാൻ വിവിധ പദ്ധതികൾ ആവിഷ്കരിക്കാൻ ഹൈവേ ജാഗ്രത സമിതി യോഗം തീരുമാനിച്ചു. പൊന്നാനി - കുറ്റിപ്പുറം ദേശീയ പാതയിൽ അപകടങ്ങൾ പതിവായ സാഹചര്യത്തിലാണ് പൊന്നാനി പൊലീസ് സ്റ്റേഷനിൽ ഹൈവേ ജാഗ്രത സമിതി യോഗം ചേർന്നത്. ദേശീയ പാതയിൽ നരിപ്പറമ്പ് ജങ്ഷൻ, അത്താണി, വില്ലേജ് റോഡ്, മാണിക്കുളം, ബാർലിക്കുളം, ഉറൂബ് നഗർ എന്നിവിടങ്ങളിൽ താൽക്കാലിക ഡിവൈഡർ സ്ഥാപിക്കാനും ചമ്രവട്ടം ജങ്ഷൻ -കുറ്റിപ്പുറം പാതയിൽ റബിൾ സ്ട്രിപ്പ് ഇടാനും തീരുമാനമായി. വിദ്യാർഥികളുടെ നിയമം ലംഘിച്ചുള്ള ഡ്രൈവിങിനെതിരെ കർശന നടപടി കൈക്കൊള്ളും. കരിമ്പനക്കടുത്ത് സ്ഥാപിച്ച ഹമ്പിൽ റിഫ്ലക്ടർ സ്ഥാപിക്കാനും ട്രാഫിക്കിന് തടസ്സമാകുന്ന മരങ്ങളും ബോർഡുകളും നീക്കം ചെയ്യാനും യോഗം തീരുമാനിച്ചു. പൊന്നാനി കോസ്റ്റൽ എസ്.ഐ. ശശീന്ദ്രൻ മേലയിലിെൻറ നേതൃത്വത്തിലാണ് യോഗം ചേർന്നത്. ജനപ്രതിനിധികളും രാഷ്ട്രീയ പ്രവർത്തകരും ദേശീയപാത വിഭാഗം ഉദ്യോഗസ്ഥരും സംബന്ധിച്ചു. ബഡ്സ് സ്കൂളിെൻറ ജനൽ ചില്ല് തകർത്തു പൊന്നാനി: കടവനാട് ബഡ്സ് സ്കൂളിെൻറ ജനൽ ചില്ലുകൾ സാമൂഹിക വിരുദ്ധർ തകർത്തു. കഴിഞ്ഞ ദിവസം രാത്രിയിലാണ് സാമൂഹിക വിരുദ്ധർ ജനൽ ചില്ലുകൾ തകർത്തത്. രാവിലെ സ്കൂളിലെത്തിയ അധ്യാപകരാണ് ജനൽ ചില്ലുകൾ തകർത്തത് കണ്ടത്. പൊന്നാനി നഗരസഭയിൽ വിവരമറിയിച്ചതിനെ തുടർന്ന് നഗരസഭ സെക്രട്ടറി പൊലീസിൽ പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.