താനൂർ: അനധികൃത ഗ്യാസ് റീഫില്ലിങ് കേന്ദ്രത്തിലുണ്ടായ പൊട്ടിത്തെറിയിൽ വീടിെൻറ അടുക്കള ഭാഗം തകർന്നു. താനാളൂർ പകര കുളത്തിനു സമീപം പാറപ്പുറത്ത് അബ്ദുറസാഖിെൻറ വീട്ടിൽ ബുധനാഴ്ച പുലർച്ചെ നാലോടെയായിരുന്നു സംഭവം. ഗാർഹികാവശ്യത്തിനായി ഗ്യാസ് വാങ്ങുകയും അത് വലിയ കുറ്റികളിലേക്ക് മാറ്റുകയുമാണ് ചെയ്തിരുന്നത്. രാത്രിയാണ് ഗ്യാസ് റീഫില്ലിങ് നടത്താറുള്ളതെന്ന് നാട്ടുകാർ ആരോപിച്ചു. അപകടത്തെ തുടർന്ന് അബ്ദുറസാഖ് ഒളിവിലാണെന്ന് പൊലീസ് പറഞ്ഞു. സംഭവസ്ഥലത്തുനിന്ന് പത്തോളം ഗ്യാസ് സിലിണ്ടറുകൾ പിടിച്ചെടുത്തിട്ടുണ്ട്. മുമ്പും പലതവണ അബ്ദുറസാഖിനെ ഇതേ കേസിൽ പിടികൂടിയതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.