ചങ്ങരംകുളം: ദിവസങ്ങള്ക്ക് മുന്നെ ചങ്ങരംകുളത്തെ കടകളില് മോഷണം നടത്തിയ പ്രതിയെ നാട്ടുകാര് പിടികൂടി ചങ്ങരംകുളം പൊലീസ് സ്റ്റേഷനില് ഏല്പ്പിച്ചു. കോക്കൂര് സ്വദേശി കിഴുവത്താണ്ടി അസീസിനെയാണ് (27) നാട്ടുകാര് പിടികൂടിയത്. പ്രതി മോഷണം നടത്തുന്ന ഒരു മണിക്കൂറിലേറെ നേരമുള്ള സി.സി.ടി.വി കാമറ ദൃശ്യങ്ങള് ചങ്ങരംകുളം പൊലീസില് ഏല്പ്പിച്ച് ദിവസങ്ങള് പിന്നിട്ടിട്ടും മോഷ്ടാവിനെ പിടികൂടിയിരുന്നില്ല. തുടര്ന്നാണ് നാട്ടുകാരും കട ഉടമയും ചേര്ന്ന് പ്രതിയെ പിടികൂടിയത്. മോഷണ ദൃശ്യങ്ങളിലൂടെ ആളെ വ്യക്തമായിട്ടും പൊലീസ് അന്വേഷണം നടത്തിയില്ളെന്ന് കടയുടമ പറഞ്ഞു. പ്രതിയെ പൊന്നാനി കോടതിയില് ഹാജരാക്കി റിമാന്ഡ് ചെയ്തു. ദിവസങ്ങള്ക്ക് മുന്നെ ചങ്ങരംകുളം ടൗണില് പ്രവര്ത്തിക്കുന്ന സിറ്റി ഫ്രൂട്ട്സ്, അല് അമീന് എന്നീ കടകളില്നിന്നായി രണ്ട് സി.സി.ടി.വിയും 3000 രൂപയും മോഷ്ടിച്ചിരുന്നു. കൂടാതെ സമീപത്തെ പല കടകളിലും മോഷണ ശ്രമവും നടത്തി. അതേസമയം, പ്രദേശത്ത് മോഷണം വര്ധിച്ചുവരുമ്പോഴും പൊലീസ് നിഷ്ക്രിയമാണെന്ന് നാട്ടുകാര് ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.