കുന്ദമംഗലം: കാരന്തൂർ അങ്ങാടിക്കുസമീപം ദേശീയപാത 766ലെ വലിയ ഗർത്തങ്ങളിൽ വാഴനട്ട് പ്രതിഷേധിച്ചു. ദിവസങ്ങളായി നിര വധി ഇരുചക്രവാഹന യാത്രക്കാർ മറിഞ്ഞുവീണ് പരിക്കേറ്റിട്ടും കുഴി നികത്താത്ത അധികൃതരുടെ നിലപാടിൽ പ്രതിഷേധിച്ച് മുസ്ലിം യൂത്ത് ലീഗ് പ്രവർത്തകരാണ് ശനിയാഴ്ച റോഡിൽ വാഴ നട്ടത്. കുഴികൾ കാണുമ്പോൾ പെെട്ടന്ന് വാഹനം വെട്ടിക്കുന്നതും അപകടത്തിനിടയാക്കുന്നുണ്ട്. വെള്ളിയാഴ്ച രാത്രി ബൈക്കിൽ വരുകയായിരുന്ന കുന്ദമംഗലം പഞ്ചായത്ത് മുസ്ലിം ലീഗ് സെക്രട്ടറി കെ.കെ. ശമീലിന് ഇവിടെ വീണ് പരിക്കേറ്റിരുന്നു. റോഡിനടിയിലുള്ള ജപ്പാൻ കുടിവെള്ള പൈപ്പ് പൊട്ടിയാണ് ഗർത്തം രൂപപ്പെട്ടത്. യൂത്ത് ലീഗ് പ്രതിഷേധത്തിന് പ്രസിഡൻറ് ഇ.പി. മൻസൂർ, സെക്രട്ടറി സഹദ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.