പേരാമ്പ്ര: തത്തകളെ കൈവശംവെച്ചതിന് രണ്ട് നാടോടി സ്ത്രീകളെ പെരുവണ്ണാമൂഴി വനം വകുപ്പ് അധികൃതര് അറസ്റ്റ് ചെയ്ത ു. പയ്യോളി പൊലീസ് പിടികൂടിയ പ്രതികളെ വനംവകുപ്പിനു കൈമാറുകയായിരുന്നു. തിരൂപ്പൂർ സ്വദേശികളായ ലക്ഷ്മി, ഭാഗ്യം എന്നിവരാണ് അറസ്റ്റിലായത്. ഇവരുടെ കൈവശം രണ്ട് കൂടുകളിലായി 60 തത്തകള് ഉണ്ടായിരുന്നു. തത്ത വിൽപന നടത്തുന്നതിനിടെയാണ് ഇവരെ പിടിച്ചത്. വന്യജീവി നിയമപ്രകാരം സംരക്ഷിത വിഭാഗത്തിൽപെട്ടതാണ് തത്തകൾ. ഇവയെ വിൽക്കാൻ ശ്രമിച്ചതിനാണ് കേസെടുത്തിട്ടുള്ളത്. പെരുവണ്ണാമൂഴി ഫോറസ്റ്റ് റേഞ്ചർ അഖിൽ നാരായണൻെറ നേതൃത്വത്തിൽ സെക്ഷന് ഫോറസ്റ്റ് ഓഫിസര്മാരായ കെ. ബാബു, വി. സുരേഷ്, ശ്രീലേഷ് കുമാര്, ബീറ്റ് ഓഫിസര്മാരായ വിജില, ശോഭന എന്നിവരടങ്ങിയ സംഘമാണ് അറസ്റ്റ് ചെയ്തത്. ഇവരെ പേരാമ്പ്ര കോടതിയില് ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.