കോഴിക്കോട്: സ്വന്തമായി നിർമിച്ച കുടകൾ മറ്റൊരു സ്കൂളിലെ കൊച്ചു കൂട്ടുകാർക്ക് സമ്മാനിച്ചപ്പോൾ മാളിക്കടവ് എം.എ സ്.എസ് പബ്ലിക് സ്കൂളിലെ റോഷിത ടീച്ചർക്കും കുട്ടികൾക്കും നിർവൃതി. ക്രാഫ്റ്റ് ടീച്ചറായ റോഷിത വിദ്യാർഥികളെക്കൊണ്ട് 30 കുടകളാണ് ഉണ്ടാക്കിയത്. വിവിധ വർണങ്ങളിലുള്ള കുടകൾ സമ്മാനമായിക്കിട്ടിയപ്പോൾ ബൈരായിക്കുളം ജി.എൽ.പി.സ്കൂൾ വിദ്യാർഥികൾക്കും സന്തോഷം. ഇതര സംസ്ഥാനക്കാരായ വിദ്യാർഥികളാണ് ബൈരായിക്കുളം സ്കൂളിൽ ഭൂരിപക്ഷവും. 24 പേരാണ് മൊത്തം വിദ്യാർഥികൾ. രണ്ടുദിവസത്തെ പരിശീലനം കൊണ്ടാണ് കുട്ടികളെ കുട നിർമാണം പഠിപ്പിച്ചത്. അതിനുവേണ്ട കിറ്റുകൾ സ്കൂൾ അധികൃതർ നൽകി. സ്കൂൾ സെക്രട്ടറി എ.പി. കുഞ്ഞാമു അധ്യക്ഷത വഹിച്ചു. ആദ്യത്തെ കുട പി. ഹരിദാസ് സ്കൂൾ ലീഡർ ഐശ്വര്യക്ക് കൈമാറി. എം.എസ്.എസ്.സ്കൂൾ പി.ടി.എ പ്രസിഡൻറും ബൈരായിക്കുളം സ്കൂൾ പൂർവ വിദ്യാർഥിയുമായ അബ്ദുൽ ഫൈസി, കെ.ബി.റോഷിത എന്നിവർ സംസാരിച്ചു. ജിയോ ജയ്സൺ സ്വാഗതവും ഇ.പി. സുനിത നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.