പേരാമ്പ്ര: ഡി.വൈ.എഫ്.ഐ പ്രതിഷേധ പ്രകടനത്തിനിടെ പേരാമ്പ്ര ടൗൺ ജുമാമസ്ദിനു കല്ലെറിഞ്ഞതുമായി ബന്ധപ്പെട്ടുള്ള പ് രശ്നങ്ങൾ പരിഹരിക്കാൻ സി.പി.എം ജില്ല സെക്രട്ടറി പി. മോഹനൻ സ്ഥലത്തെത്തി. വെള്ളിയാഴ്ച വൈകീട്ട് മസ്ജിദ് സന്ദർശിച്ച സെക്രട്ടറി സംഭവത്തിൽ ദുഃഖം രേഖപ്പെടുത്തി. എം.കെ.സി. കുട്ട്യാലിയുടെ നേതൃത്വത്തിലുള്ള മഹല്ല് കമ്മിറ്റി ഭാരവാഹികൾ തങ്ങളുടെ പ്രതിഷേധം സി.പി.എം നേതാക്കളെ അറിയിച്ചു. രാവിലെ മുൻ എം.എൽ.എ കെ. കുഞ്ഞമ്മദും ഏരിയ സെക്രട്ടറി എൻ.പി. ബാബുവും പള്ളി സന്ദർശിച്ചിരുന്നു. ഹർത്താലിെൻറ മറവിൽ സംഘ്പരിവാർ സംസ്ഥാനത്തൊട്ടാകെ വ്യാപക അക്രമങ്ങൾ അഴിച്ചുവിടുന്ന സമയത്ത് പേരാമ്പ്രയിൽ ഡി.വൈ.എഫ്.ഐ പ്രവർത്തകർ പള്ളിക്ക് കല്ലെറിഞ്ഞത് പാർട്ടിയെ പ്രതിരോധത്തിലാക്കിയിരുന്നു. പ്രതികളെ 48 മണിക്കൂറിനുള്ളിൽ പിടിക്കുമെന്ന ഉറപ്പ് പൊലീസ് നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.