ട്രാൻസ്ജെൻഡറുകളിൽ ചിലർ വോട്ടുചെയ്തത് സ്ത്രീ എന്നനിലയിൽ

കോ​ഴി​ക്കോ​ട്: ജി​ല്ല​യി​ൽ ട്രാ​ൻ​സ്ജെ​ൻ​ഡ​റു​ക​ളി​ൽ പ​ല​രും സ്ത്രീ​ക​ളു​ടെ വി​ഭാ​ഗ​ത്തി​ൽ വോ​ട്ടു​ചെ​യ്ത​താ​യി വെ​ളി​പ്പെ​ടു​ത്ത​ൽ. ട്രാ​ൻ​സ്ജെ​ൻ​ഡ​ർ വി​ഭാ​ഗ​ത്തി​ൽ തെ​ര​ഞ്ഞെ​ടു​പ്പ്, ആ​ധാ​ർ കാ​ർ​ഡു​ക​ൾ എ​ടു​ത്താ​ൽ പാ​സ്പോ​ർ​ട്ടി​നും വി​ദേ​ശ​യാ​ത്ര​ക്കും കാ​ല​താ​മ​സം വ​രു​ന്നെ​ന്നും അ​തി​നാ​ൽ പ​ല​രും സ്ത്രീ ​എ​ന്ന​പേ​രി​ലാ​ണ് തി​രി​ച്ച​റി​യ​ൽ കാ​ർ​ഡ് എ​ടു​ക്കു​ന്ന​തെ​ന്നും സാ​മൂ​ഹി​ക പ്ര​വ​ർ​ത്ത​ക​യും പു​ന​ർ​ജ​നി പ്ര​സി​ഡ​ന്റു​മാ​യ സി​സി​ലി ജോ​ർ​ജ് പ​റ​ഞ്ഞു.

2019ലാ​ണ് ട്രാ​ൻ​സ് വു​മ​ണാ​യ അ​വ​ർ സ്വ​ന്തം തി​രി​ച്ച​റി​യ​ൽ കാ​ർ​ഡി​ൽ ലോ​ക്സ​ഭാ വോ​ട്ടു​രേ​ഖ​പ്പെ​ടു​ത്തി​യ​ത്. അ​ന്ന് തി​രി​ച്ച​റി​യ​ൽ കാ​ർ​ഡി​ൽ മൂ​ന്നാം ലിം​ഗം എ​ന്ന് എ​ഴു​തി​യ​ത് വി​മ​ർ​ശ​ന​ത്തി​നി​ട​യാ​വു​ക​യും പ​രാ​തി കൊ​ടു​ത്ത​ത് പ്ര​കാ​രം കാ​ർ​ഡ് തി​രു​ത്തു​ക​യും ചെ​യ്തി​രു​ന്നു.

വെ​ള്ളി​യാ​ഴ്ച സ്ത്രീ ​എ​ന്ന ജെ​ൻ​ഡ​റി​ലാ​ണ് അ​വ​ർ കോ​ഴി​ക്കോ​ട് ഒ​ള​വ​ണ്ണ ക​മ്പി​ളി​പ​റ​മ്പ് യു.​പി സ്കൂ​ളി​ൽ എ​ത്തി വോ​ട്ടു​ചെ​യ്ത​ത്. ജി​ല്ല​യി​ൽ 52 വോ​ട്ട​ർ​മാ​രാ​ണ് ട്രാ​ൻ​സ്ജെ​ൻ​ഡ​ർ വി​ഭാ​ഗ​ത്തി​ലു​ള്ള​തെ​ന്നാ​ണ് ഔ​ദ്യോ​ഗി​ക ക​ണ​ക്ക്. എ​ന്നാ​ൽ ഇ​തി​ലു​മ​ധി​കം പേ​ർ ഈ ​വി​ഭാ​ഗ​ത്തി​ലു​ണ്ടെ​ന്നും ത​ന്നെ​പ്പോ​ലെ മ​റ്റ് ജെ​ൻ​ഡ​റു​ക​ളി​ൽ അ​വ​ർ വോ​ട്ട് ചെ​യ്തി​ട്ടു​ണ്ടാ​കാ​മെ​ന്നും അ​വ​ർ പ​റ​ഞ്ഞു.