നരിക്കുനി: അത്താണി പെയിൻ ആൻഡ് പാലിയേറ്റിവ് കെയറിലെ വിദ്യാർഥി കൂട്ടായ്മയായ അത്താണി സ്റ്റുഡൻറ്സ് വിങ് അർബുദ രോഗികൾക്കായി നടത്തുന്ന 'ഹെയർ ഫോർ ഹോപ്' പരിപാടിയുടെ കാമ്പസ് കാമ്പയിന് വിദ്യാലയങ്ങളിൽനിന്ന് മികച്ച പ്രതികരണം. ഒക്ടോബർ 26ന് ആരംഭിച്ച കാമ്പയിൻ പകുതി പിന്നിടുന്നതോടെ വിവിധ വിദ്യാലയങ്ങളിൽനിന്നായി നൂറു കണക്കിന് വിദ്യാർഥികൾ ഇതുവരെ മുടി ദാനംചെയ്തു. കാമ്പയിൻ നവംബർ ആറിന് അവസാനിക്കും. എളേറ്റിൽ എം.ജെ. ഹയർ സെക്കൻഡറി സ്‌കൂളിൽ ജെ.ആർ.സി യൂനിറ്റുമായി സഹകരിച്ച് നടന്ന പരിപാടിയിൽ ഹൈസ്‌കൂളിൽനിന്ന് മുപ്പതോളം വിദ്യാർഥിനികൾ മുടി ദാനം ചെയ്തു. പ്രധാനാധ്യാപകൻ തോമസ് മാത്യു മുടി കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.