നന്മണ്ട: ഗ്രാമപഞ്ചായത്ത് അഞ്ചാം വാർഡിൽപെട്ട കീരിപ്പൊയിൽ-ഉണ്ണീരികണ്ടിമുക്ക് റോഡ് ശോച്യാവസ്ഥയിലായതോടെ കാൽനട ദുസ്സഹമാകുന്നു. ഒന്നര കിലോമീറ്റർ ദൈർഘ്യം വരുന്ന റോഡിെൻറ കാരാട്ട് മുക്ക് വരെ മാത്രമേ ടാറിങ് നടന്നിട്ടുള്ളൂ. ബാക്കി ഭാഗത്തെ സോളിങ് ഇളകിയിരിക്കുകയാണ്. നൂറുകണക്കിന് കുടുംബങ്ങളുടെ ഏക ആശ്രയമാണ് ഈ റോഡ്. ഓട്ടോറിക്ഷകൾ പോലും ഓടാൻ മടിക്കുന്നു. കുണ്ടിലും കുഴിയിലും ഇരുചക്ര വാഹന യാത്രക്കാർ വീഴുന്നതും പതിവായെന്ന് നാട്ടുകാർ പറയുന്നു. സോളിങ് നടത്തി ഏറെക്കാലമായിട്ടും ടാറിങ് പൂർത്തീകരിക്കാത്തതാണ് യാത്ര ദുസ്സഹമാവാൻ കാരണം. രോഗികളെ മെയിൻ റോഡിലെത്തിക്കാൻ കസേരയിൽ ചുമലിലേറ്റി നടക്കേണ്ട സ്ഥിതിയാണ്. റോഡിെൻറ ടാറിങ് ഉടൻ പൂർത്തിയാക്കി ഗതാഗതയോഗ്യമാക്കണമെന്ന് നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.