കൊയിലാണ്ടി: ചേമഞ്ചേരി പഞ്ചായത്തിലെ പൂക്കാട് രണ്ടുവീടുകളില്‍ മോഷണവും ഒരു വീട്ടില്‍ മോഷണ ശ്രമവും നടന്നു. പൂക്കാട് കലാലയത്തിന് സമീപവും വി.ഐ.പി തെക്കേലാട്ട് റോഡിലുമായി മൂന്നുവീടുകളിലാണ് കള്ളന്‍ കയറിയത്. പുലര്‍ച്ചെ രണ്ടുമണിക്ക് ശേഷമായിരുന്നു സംഭവം. വീറുവീട്ടില്‍ ഇ.പി. ശ്രീധരന്‍ മാഷുടെ വീട്ടില്‍നിന്ന് സ്വര്‍ണം നഷ്ടമായി. ഇവിടെ വീടിനകത്തു കയറിയ കള്ളന്‍ അലമാരയില്‍നിന്ന് സ്വർണം മോഷ്ടിച്ച് കടന്നുകളയുകയായിരുന്നു. സമീപത്തുള്ള കിഴക്കോത്ത് നിതിന്റെ ബൈക്കാണ് മോഷ്ടിക്കപ്പെട്ടത്. വീടിനകത്തു കയറി ബൈക്കിന്റെ താക്കോൽ എടുത്തശേഷം ബൈക്കുമായി കടന്നുകളയുകയായിരുന്നു. മറ്റൊരു വീട്ടില്‍ മോഷ്ടാവ് കയറിയെങ്കിലും ശബ്ദം കേട്ട് വീട്ടുകാര്‍ ഉണര്‍ന്നതോടെ രക്ഷപ്പെടുകയായിരുന്നു. ബൈക്കില്‍ ഒരാള്‍ പോകുന്നത് കണ്ടതായി വീട്ടുകാര്‍ പറഞ്ഞു. പുലര്‍ച്ചെ കൊയിലാണ്ടി പൊലീസ് സ്ഥലത്തെത്തി പരിശോധന നടത്തി. വിരലടയാള വിദഗ്ധര്‍ മോഷണം നടന്ന വീടുകളില്‍ ഇന്ന് പരിശോധന നടത്തും. പ്രദേശത്തെ സി.സി.ടി വി കൾ പരിശോധിച്ചു തെളിവുകൾ ശേഖരിച്ചു വരികയാണെന്ന് കൊയിലാണ്ടി പോലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.