കൊടുവള്ളി: നവംബര്‍ 12 മുതല്‍ 15 വരെ കോഴിക്കോട് നടക്കുന്ന ഡി.വൈ.എഫ്‌.ഐ സംസ്ഥാന സമ്മേളനത്തിെൻറ ഭാഗമായി വിവിധ പരിപാടികള്‍ സംഘടിപ്പിക്കുമെന്ന് താമരശ്ശേരി ബ്ലോക്ക് കമ്മിറ്റി ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. ബ്ലോക്കില്‍ ഒരു നിര്‍ധനകുടുംബത്തിന് വീട് നിർമിച്ചു നല്‍കും. ഉരുള്‍പൊട്ടലില്‍ പിതാവ് നഷ്ടപ്പെട്ട കുട്ടിയുടെ പഠനച്ചെലവ് പൂർണമായും ബ്ലോക്ക് കമ്മിറ്റി വഹിക്കും. വര്‍ഗീയതക്കെതിരെ സെപ്റ്റംബര്‍ 25 മുതല്‍ ഒക്ടോബര്‍ 10 വരെ യൂനിറ്റ് തലങ്ങളില്‍ 'മാനവികം' ബഹുജന കൂട്ടായ്മ സംഘടിപ്പിക്കും. സെപ്റ്റംബര്‍ ഏഴിന് രാവിലെ 10 മണിക്ക് താമരശ്ശേരിയില്‍ യുവതിസംഗമം നടക്കും. പൊലീസ് മര്‍ദനം ഏറ്റുവാങ്ങി ജയില്‍വാസം അനുഭവിച്ച പഴയകാല പ്രവര്‍ത്തകരെ ആദരിക്കും. ചലച്ചിത്രോത്സവം, മെഗാ ക്വിസ്, കലാകായിക മത്സരങ്ങള്‍ എന്നിവയും സംഘടിപ്പിക്കുമെന്നും ഭാരവാഹികള്‍ അറിയിച്ചു. വാര്‍ത്തസമ്മേളനത്തില്‍ ഡി.വൈ.എഫ്‌.ഐ താമരശ്ശേരി ബ്ലോക്ക് പ്രസിഡൻറ് വി. ലിജു, സെക്രട്ടറി ടി. മഹറൂഫ്, ട്രഷറര്‍ സന്ദീപ് മാടത്തില്‍, ജോയൻറ് സെക്രട്ടറി പി. ലെനിന്‍ ദാസ് ബാബു എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.