ചാത്തമംഗലം: പൊതുജന വായനശാല കെട്ടിടം അഡ്വ. പി.ടി.എ റഹീം എം.എൽ.എ ഉദ്ഘാടനം ചെയ്തു. എം.എൽ.എയുടെ പ്രാദേശിക വികസന ഫണ്ടിൽനിന്ന് ലഭിച്ച നാലുലക്ഷം രൂപ വിനിയോഗിച്ചാണ് കെട്ടിടം നിർമിച്ചത്. നാട്ടുകാരിൽനിന്ന് പിരിച്ചെടുത്ത ഒന്നരലക്ഷം ഉപയോഗിച്ച് ഫർണിച്ചറും മറ്റും സജ്ജമാക്കി. ഗ്രാമപഞ്ചായത്ത് പ്രസിഡൻറ് കെ.എസ്. ബീന അധ്യക്ഷതവഹിച്ചു. ചാത്തമംഗലം സർവിസ് സഹകരണ ബാങ്ക് പ്രസിഡൻറ് വി. സുന്ദരൻ ലോഗോ പ്രകാശനം ചെയ്തു. സംസ്ഥാന അധ്യാപക അവാർഡ് നേടിയ സുരേന്ദ്രൻ ചെത്തുകടവ്, വായനശാല ചുമരുകളിൽ സാഹിത്യകാരന്മാരെയും കഥാപാത്രങ്ങളെയും പുനർസൃഷ്ടിച്ച ചിത്രകാരന്മാരായ സിഗ്നി ദേവരാജൻ, ഷാജി ചെത്തുകടവ്, ഗിരീഷ് മലയമ്മ, കൃഷ്ണൻ പാതിരിശ്ശേരി എന്നിവരെ ആദരിച്ചു. ബി.ഡി.ഒ ജയപ്രകാശൻ, പഞ്ചായത്ത് അംഗം ഷാജു കുനിയിൽ, സംസ്ഥാന ലൈബ്രറി കൗൺസിൽ അംഗം എ. ഗംഗാധരൻ നായർ, പി.സി. വാസുദേവൻ നായർ, പി. ദാമോദരൻ നമ്പീശൻ, പി. ഷൈപു, ടി.കെ. സുധാകരൻ, എം. ഗോപാലകൃഷ്ണൻ, എൻ.പി. ഹംസ, എം.ടി. വിനോദ്, ഗോപാലകൃഷ്ണൻ ചൂലൂർ, കെ. ഗംഗാധരൻ, ഭരതൻ കരിക്കിനാരി, പി. മുഹമ്മദ്, കെ.പി. നളിനാക്ഷൻ, സി.പി. ഉഷാകരൻ എന്നിവർ സംസാരിച്ചു. വായനശാല സെക്രട്ടറി എം.കെ. വേണു സ്വാഗതവും പ്രസിഡൻറ് പി. ചന്ദ്രൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.