ന്യൂയോർക്ക്: അമേരിക്കയിലെ സിൻസിനാറ്റിയിലെ ബാങ്കിൽ വ്യാഴാഴ്ചയുണ്ടായ വെടിവെപ്പിൽ കൊല്ലപ്പെട്ട അഞ്ചുപേരിൽ ആന്ധ്രപ്രദേശ് സ്വദേശിയും. നഗരത്തിലെ ഫിഫ്ത്ത് തേഡ് ബാങ്കിെൻറ ആസ്ഥാനമന്ദിരത്തിൽ ഒഹായോ സ്വദേശിയായ യുവാവ് നടത്തിയ വെടിവെപ്പിലാണ് ആന്ധ്രയിലെ ഗുണ്ടൂരിൽനിന്നുള്ള പൃഥിരാജ് കണ്ടേപി കൊല്ലപ്പെട്ടത്. ബാങ്കിലെ കൺസൾട്ടൻറായിരുന്നു കണ്ടേപി. പൊലീസ് നടത്തിയ പ്രത്യാക്രമണത്തിൽ, വെടിവെപ്പു നടത്തിയ ഒമർ എൻറികെ സാൻറാ പെരസ് കൊല്ലപ്പെടുകയുണ്ടായി. കൊലപാതകിയുടെ ഉദ്ദേശ്യം സംബന്ധിച്ച് അന്വേഷണം നടന്നുവരുകയാണെന്ന് പൊലീസ് അറിയിച്ചു. മൃതദേഹം നാട്ടിലേക്ക് കൊണ്ടുവരാനുള്ള ശ്രമത്തിലാണ് ബന്ധുക്കൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.