കോഴിക്കോട്: ബൈക്കും ഗുഡ്സ് ഓട്ടോയും കൂട്ടിയിടിച്ച് സുഹൃത്തുക്കളായ യുവാക്കൾക്ക് പരിക്കേറ്റു. നാദാപുരം റോഡ് സ്വദേശി അഭിഷേക് (17), കക്കട്ടിൽ നരിക്കൂട്ടും ചാലിൽ സ്വദേശി ആരോമൽ (18) എന്നിവർക്കാണ് ഗുരുതര പരിക്കേറ്റത്. മെഡിക്കൽ കോളജിനടുത്ത് മായനാട്ടുവെച്ചാണ് അപകടമുണ്ടായത്. മെഡിക്കൽ കോളജ് ഭാഗത്തേക്ക് വരുകയായിരുന്ന ബൈക്ക് കെ.എസ്.ആർ.ടി.സി ബസിനെ മറികടക്കുന്നതിനിടെ കാരന്തൂർ ഭാഗത്തേക്ക് പോവുകയായിരുന്ന ഓട്ടോയിൽ ഇടിക്കുകയായിരുന്നു. ഇരുവരും മെഡിക്കൽ കോളജ് തീവ്രപരിചരണ വിഭാഗത്തിൽ ചികിത്സയിലാണ്. തിങ്കളാഴ്ച ഉച്ചക്ക് 12ഓടെയാണ് അപകടം. ഗുഡ്സ് ഓട്ടോ ഡ്രൈവർ കോണോട്ട് സ്വദേശി മണിക്ക് നിസ്സാര പരിക്കുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.