കോഴിേക്കാട്: വാഹനാപകട കേസിലെ പ്രതി 18 വർഷത്തിനുശേഷം പൊലീസ് പിടിയിൽ. പേരാമ്പ്ര സ്വദേശി രാജീവനാണ് അറസ്റ്റിലായത്. ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതി (നാല്) ഇദ്ദേഹത്തെ പിന്നീട് ജാമ്യത്തിൽ വിട്ടു. 1999ൽ നഗരത്തിലൂടെ ഇദ്ദേഹമോടിച്ച കാറിടിച്ച് ഒരാൾക്ക് പരിക്കേൽക്കുകയായിരുന്നു. കേസിൽ കോടതി വാറൻറ് പുറപ്പെടുവിച്ചെങ്കിലും ഹാജരാകാതെ ഗൾഫിൽ ജോലിക്ക് പോവുകയായിരുന്നു. അവധിക്ക് നാട്ടിലെത്തിയപ്പോഴും ഹാജരാകാത്തിനെ തുടർന്നാണ് അറസ്റ്റുചെയ്തത്. സിറ്റി ട്രാഫിക് എസ്.െഎ മുഹമ്മദ് റാഫി, സിവിൽ പൊലീസ് ഒാഫിസർമാരായ ജോസഫ് ഡികോത്ത്, രമ്യ എന്നിവർ കഴിഞ്ഞ ദിവസം പേരാമ്പ്രയിൽവെച്ചാണ് ഇദ്ദേഹത്തെ അറസ്റ്റുചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.