നാദാപുരം: പകർച്ചവ്യാധി വ്യാപകമായിരിക്കെ ടൗണിലെ ഗ്രാമപഞ്ചായത്ത് വക പൊതുകിണർ ശുചിത്വ ഭീഷണിയിൽ. വടകര റോഡിലെ കിണറാണ് അധികൃതരുടെ നിസ്സംഗതയിൽ ആരോഗ്യഭീഷണി ഉയർത്തുന്നത്. ടൗണിലെ ഹോട്ടലുകളിലേക്കും വ്യാപാര സ്ഥാപനങ്ങളിലേക്കും വെള്ളെമടുക്കുന്നത് ഈ കിണറ്റിൽനിന്നാണ്. കിണറിെൻറ പരിസരമാകെ മാലിന്യം കൂട്ടിയിട്ട് വൃത്തിഹീനമായ അവസ്ഥയിലാണുള്ളത്. മഴ തുടങ്ങുന്നതിനു മുമ്പായി കിണർ ശുചീകരിച്ചിട്ടില്ല. കിണറിനു ചുറ്റും നിറയെ പരസ്യബോർഡുകളാണ്. പരിസരത്ത് കുമിഞ്ഞുകൂടിയ മാലിന്യ അവശിഷ്ടങ്ങൾ പക്ഷികൾ കൊത്തി തുറന്ന കിണറ്റിലിടാൻ സാധ്യതയേറെയാണ്. ഇപ്പോൾതന്നെ പ്ലാസ്റ്റിക് അവശിഷ്ടങ്ങൾ കിണറിലുണ്ട്. ടൗണിൽ നേരത്തെ മൂന്നു പൊതുകിണറുകളാണ് ഉണ്ടായിരുന്നത്. ഇവയിൽ ഒന്ന് മാലിന്യകേന്ദ്രമായി. അവശേഷിക്കുന്ന രണ്ടെണ്ണത്തിൽ ഒന്നിെൻറ സ്ഥിതിയാണിത്. യു.എസ്.എസ് സ്കോളര്ഷിപ് നാദാപുരം: നാദാപുരം സി.സി.യു.പി സ്കൂളിലെ യു.എസ്.എസ് സ്കോളര്ഷിപ് ലഭിച്ച വിദ്യാര്ഥികള് -ഗൗരി നന്ദന, ദേവപ്രിയ, കെ. ആതിര, അഭയ് എസ്. കുമാര്, വിനായക്, കെ.എസ്. അഭിരാം, ആര്. തേജസ്, എസ്.ആര്. പൗര്ണമി, ആദിത്ത് കൃഷ്ണ, ആദിത്ത് എസ്. കുമാര്, വി.കെ. ദിബിന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.