കൽപറ്റ: പള്ളിക്കുന്ന് ലൂർദ് മാതാ കോൺവെൻറിനോടു ചേർന്ന ബഥനി മഠത്തിൽ ഇതര സംസ്ഥാനക്കാരിയായ യുവതി ആത്മഹത്യ ചെയ്ത സംഭവത്തിൽ കമ്പളക്കാട് പൊലീസ് അന്വേഷണം തുടങ്ങി. ബിഹാർ കിഷൻപുർ സ്വദേശിനിയായ ശ്വേത അൻസിതയെയാണ് (18) മഠത്തിനുള്ളിൽ ചൊവ്വാഴ്ച ൈവകീട്ട് തൂങ്ങിമരിച്ച നിലയിൽ കണ്ടെത്തിയത്. മൃതദേഹം ബുധനാഴ്ച കോഴിക്കോട് മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം ചെയ്തു. അൻസിതയുടെ സഹോദരനടക്കമുള്ള ബന്ധുക്കൾ കേരളത്തിെൻറ വിവിധ ഭാഗങ്ങളിൽ ജോലി ചെയ്യുന്നുണ്ട്. ഇവർ മെഡിക്കൽ കോളജ് ആശുപത്രിയിലെത്തി മൃതദേഹം ഏറ്റുവാങ്ങി. അടുക്കള ജോലിക്കും മറ്റുമായി ഫെബ്രുവരിയിലാണ് ശ്വേത കോൺവെൻറിൽ എത്തിയത്. ചൊവ്വാഴ്ച വൈകീട്ട് നാലിന് ശേഷവും ജോലി കഴിഞ്ഞ് തിരിച്ചെത്താതെ വന്നപ്പോൾ നടത്തിയ തിരച്ചിലിനൊടുവിലാണ് മഠത്തിെൻറ അടുക്കള ഭാഗത്തായി തൂങ്ങിമരിച്ച നിലയിൽ കണ്ടെത്തിയത്. പൊലീസ് ബുധനാഴ്ച കോൺവെൻറ് അധികൃതരുടെ മൊഴിയെടുത്തു. പോസ്റ്റ്മോർട്ടം റിപ്പോർട്ട് ലഭിച്ചാലേ മരണവുമായി ബന്ധപ്പെട്ട് കൂടുതലെന്തെങ്കിലും പറയാനാകൂ എന്ന് പൊലീസ് പറഞ്ഞു. യുവതിയുെട മരണത്തിൽ ഉന്നതതല അന്വേഷണം നടത്തണമെന്ന് ബി.ജെ.പി കൽപറ്റ നിയോജക മണ്ഡലം കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.