ജ്യേഷ്​ഠ​െൻറ മൃതദേഹത്തെ അനുഗമിച്ചയാൾ ഖത്തറിൽ കുഴഞ്ഞുവീണ്​ മരിച്ചു

ദോഹ: ഖത്തറിൽ കുഴഞ്ഞുവീണ് മരിച്ച ജ്യേഷ്ഠ​െൻറ മൃതദേഹത്തിനൊപ്പം നാട്ടിൽ പോകാനിരുന്ന സഹോദരനും കുഴഞ്ഞുവീണ് മരിച്ചു. കഴിഞ്ഞ വെള്ളിയാഴ്ച മരിച്ച തൃശൂർ ചാവക്കാട് വേട്ടക്കാട് മഞ്ഞിയിൽ ഇർഷാദി​െൻറ (50) സഹോദരൻ രിസാലുദ്ദീൻ (48) ആണ് വിമാനത്താവളത്തിൽ മരിച്ചത്. ഇർഷാദി​െൻറ മൃതദേഹം നാട്ടിലെത്തിക്കാനുള്ള നടപടികൾക്കായി ഒാടിനടക്കുന്നതിനിടെ തിങ്കളാഴ്ച വൈകുന്നേരം നാല് മണിയോടെയാണ് സംഭവം. 20ലധികം കൊല്ലമായി ഖത്തറിൽ സ്വകാര്യ കമ്പനിയിൽ ജോലി ചെയ്യുകയായിരുന്നു ഇർഷാദ്. അൽഖോറിലെ ബന്ധുവീട്ടിൽ വെച്ചാണ് കുഴഞ്ഞുവീണത്. രിസാലുദ്ദീൻ ഖത്തർ പെട്രോളിയം ജീവനക്കാരനാണ്. ഇർഷാദി​െൻറ മൃതദേഹം തിങ്കളാഴ്ച രാത്രി ജെറ്റ് എയർവേയ്സിൽ നാട്ടിലേക്ക് കൊണ്ടുപോകാൻ രേഖകൾ ശരിയാക്കി ഹമദ് വിമാനത്താവളത്തിൽ എത്തിയതായിരുന്നു രിസാലുദ്ദീനും സുഹൃത്തുക്കളും. വിമാനത്താവളത്തിലെ പാസ്പോർട്ട് വിഭാഗത്തിൽ എത്തിയ ഉടൻ രിസാലുദ്ദീൻ കുഴഞ്ഞുവീണു. പിന്നീട് മരിക്കുകയായിരുന്നു. ഇർഷാദി​െൻറ മൃതദേഹം നേരത്തേ നിശ്ചയിച്ച പ്രകാരം തന്നെ ജെറ്റ് എയർവേയ്സ് വിമാനത്തിൽ നാട്ടിലേക്ക് കൊണ്ടുപോകാനുള്ള ഒരുക്കത്തിലാണ് കൂടെയുള്ളവർ. കെ.ടി. അബ്ദുല്ലയാണ് പിതാവ്. രിസാലുദ്ദീന് ഭാര്യയും നാല് മക്കളുമുണ്ട്. ഇർഷാദിന് ഭാര്യയും ഒരു കുട്ടിയുമുണ്ട്. QTRDEATH IRSHAD QTRDEATH RISALUDHEEN