യുവാവി​െൻറ ദുരൂഹ മരണം: വ്യാജസിദ്ധൻ കസ്​റ്റഡിയിൽ

* മലപ്പുറം പാണ്ടിക്കാട് സ്വദേശി സെയ്ദ് മുഹമ്മദാണ് കസ്റ്റഡിയിലുള്ളത് വെള്ളമുണ്ട: തമിഴ്‌നാട്ടില്‍ വയനാട് സ്വദേശിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയ സംഭവത്തിൽ വ്യാജസിദ്ധൻ പൊലീസ് കസ്റ്റഡിയിൽ. വെള്ളമുണ്ടയിലെ വ്യാപാരി പൊയിലൻ ‍(കുട്ട) അമ്മദി​െൻറ മകന്‍ അശ്റഫ് (32) കഴിഞ്ഞ ദിവസം മരിച്ചതുമായി ബന്ധപ്പെട്ട് മലപ്പുറം പാണ്ടിക്കാട് സ്വദേശി സെയ്ദ് മുഹമ്മദാണ് കസ്റ്റഡിയിലുള്ളത്. യുവാവി​െൻറ ഭാര്യ നൽകിയ പരാതിയുടെ അടിസ്ഥാനത്തിലാണ് ഇദ്ദേഹത്തെ പിടികൂടിയത്. ചൊവ്വാഴ്ച പുലർച്ചെ അശ്റഫി​െൻറ കുടുംബാംഗങ്ങൾക്കൊപ്പം ബംഗളൂരു വിമാനത്താവളത്തിൽ വന്നിറങ്ങിയ സിദ്ധനെ വെള്ളമുണ്ട പൊലീസ് തന്ത്രപരമായി പിടികൂടുകയായിരുന്നു. തുടർന്ന് കൂടുതൽ തെളിവെടുപ്പിന് വെള്ളമുണ്ട സ്റ്റേഷനിലെത്തിച്ചു. നേരിയ തോതിൽ മാനസിക വിഭ്രാന്തിക്ക് ചികിത്സയിലായിരുന്ന അശ്റഫിനെ രണ്ടു മാസമായി കാണാനില്ലെന്ന് കാണിച്ച് ഭാര്യ സജ്ന നേരത്തേ നൽകിയ പരാതിയിൽ പൊലീസ് കേസെടുത്ത് അന്വേഷണം നടത്തിവരുകയായിരുന്നു. ഇതിനിടെയാണ് മരണ വിവരം ലഭിച്ചത്. തമിഴ്നാട് നാഗർകോവിലിനടുത്ത മഖാമിലാണ് അശ്റഫിനെ മരിച്ച നിലയിൽ കണ്ടെത്തിയത്. ചികിത്സയുടെ മറവിൽ കെട്ടിയിട്ട് പീഡിപ്പിച്ചതാണ് മരണകാരണമെന്ന് നാട്ടുകാർ പറയുന്നു. സംഭവം പുറത്തറിയാതിരിക്കാൻ സിദ്ധ​െൻറ അനുയായികൾ രഹസ്യമായി മൃതദേഹം നാട്ടിലെത്തിച്ച് മറവുചെയ്യാൻ നീക്കം നടത്തി. സംശയം തോന്നി നാട്ടുകാരും ഭാര്യയുടെ ബന്ധുക്കളും ഇടപെട്ടതോടെയാണ് പോസ്റ്റുമോർട്ടം ഉള്‍പ്പെടെയുള്ള നടപടികള്‍ക്കായി തിരികെ തമിഴ്‌നാട്ടിലേക്ക് കൊണ്ടുപോയത്. മൃതദേഹത്തെ അനുഗമിച്ച് നാട്ടിലെത്തിയ സിദ്ധ​െൻറ അനുയായിയെയും പൊലീസ് കസ്റ്റഡിയിലെടുത്തു. TUEWDG1 Asharaf അശ്റഫ്