മുക്കം: കോഴിക്കോട് മാനസികാരോഗ്യ കേന്ദ്രത്തിൽനിന്നും തടവു ചാടിയ പ്രതി മുക്കം പൊലീസിെൻറ പിടിയിലായി. കൽപറ്റ വൈത്തിരി സ്വദേശി വിപി(19)നെയാണ് മുക്കം എസ്.ഐ കെ.പി. അഭിലാഷും സംഘവും ചേർന്ന് ഞായറാഴ്ച വൈകുന്നേരം മുക്കം മലയോരം ബാറിെൻറ പരിസരത്തുനിന്ന് പിടികൂടിയത്. മാനസികാരോഗ്യ കേന്ദ്രത്തിൽ ചികിത്സയിലായിരുന്ന റിമാൻഡ് പ്രതിയായ ഇയാൾ മലപ്പുറം, മാനന്തവാടി, സുൽത്താൻബത്തേരി, കുന്ദമംഗലം സ്റ്റേഷനുകളിലായി പത്തോളം മോഷണകേസുകളിലെയും പ്രതിയാണെന്ന് മുക്കം എസ്. ഐ കെ.പി. അഭിലാഷ് പറഞ്ഞു. പിടിക്കുന്ന സമയത്ത് പൊലീസിനെ ആക്രമിക്കാൻ ശ്രമിച്ചെങ്കിലും പ്രതിയെ സാഹസികമായാണ് എസ്.ഐയും സംഘവും കസ്റ്റഡിയിലെടുത്തത്. ഒരാഴ്ച മുമ്പാണ് ഇയാൾ കോഴിക്കോട് കുതിരവട്ടം മാനസികാരോഗ്യ കേന്ദ്രത്തിൽ നിന്ന് തടവു ചാടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.