ബി സോൺ കലോത്സവം മടപ്പള്ളി ഗവ. കോളജിൽ വടകര: കാലിക്കറ്റ് സർവകലാശാല വിദ്യാർഥി യൂനിയൻ ബി സോൺ കലോത്സവം 'ഗോർണിക്ക -2018' ഫെബ്രുവരി മൂന്ന്, നാല്, അഞ്ച്, ആറ്, ഏഴ് തീയതികളിൽ വടകര മടപ്പള്ളി ഗവ. കോളജിൽ നടക്കും. നൂറിൽപ്പരം േകളജുകളിൽനിന്നായി മൂവായിരത്തിലേറെ കലാപ്രതിഭകൾ 95 ഇനങ്ങളിലായി മാറ്റുരക്കുന്ന കലോത്സവത്തിെൻറ വിജയത്തിനായി സംഘാടക സമിതിയുടെ നേതൃത്വത്തിൽ വിപുലമായ ഒരുക്കങ്ങളാണ് നടക്കുന്നത്. അഞ്ചു വർഷത്തിന് ശേഷമാണ് കടത്തനാടിെൻറ സ്വന്തം കലാലയമായ മടപ്പള്ളി കോളജ് കലോത്സവത്തിനു ആതിഥ്യമരുളുന്നത്. ഈ മാസം 27ന് ആരംഭിച്ച മത്സരാർഥികളുടെ രജിസ്ട്രേഷൻ 30നു വൈകീട്ട് അഞ്ചുവരെ തുടരും. കലോത്സവത്തിൽ പങ്കെടുക്കുന്ന ജില്ലയിലെ എല്ലാ കോളജുകളിലെയും യൂനിയൻ ചെയർമാൻ, യൂനിവേഴ്സിറ്റി യൂനിയൻ കൗൺസിലർമാർ, സ്റ്റാഫ് അഡ്വൈസർ എന്നിവരുടെ യോഗം ചൊവ്വാഴ്ച ഉച്ചക്ക് രണ്ടിന് മടപ്പള്ളി കോളജിൽ ചേരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.