ലോകനാർക്കാവ്-പയംകുറ്റിമല ടൂറിസം പദ്ധതി യാഥാർഥ്യമാക്കണം വടകര: ലോകനാർക്കാവ്--പയംകുറ്റിമല ടൂറിസം പദ്ധതി യാഥാർഥ്യമാക്കണമെന്നാവശ്യപ്പെട്ട് മന്ത്രി കടകംപള്ളി സുരേന്ദ്രന് സി.പി.എം മേമുണ്ട ലോക്കൽ കമ്മിറ്റി നിവേദനം നൽകി. പദ്ധതിയുടെ അവലോകനത്തിനായി ലോകനാർക്കാവിലെത്തിയപ്പോഴാണ് ലോക്കൽ സെക്രട്ടറി സി.എം. ഷാജി നിവേദനം മന്ത്രിക്ക് സമർപ്പിച്ചത്. നിർദിഷ്ട മലബാർ ടൂറിസം പാക്കേജ്, സർഗാലയ ക്രാഫ്റ്റ് വില്ലേജ്, കുഞ്ഞാലിമരക്കാർ സ്മാരകം, സാൻറ്ബാങ്ക്സ്, പയംകുറ്റിമല, ലോകനാർക്കാവ്, കല്ലേരി കുട്ടിച്ചാത്തൻ ക്ഷേത്രം എന്നിവ ഉൾപ്പെടുത്തി ടൂറിസം േപ്രാജക്ട് യാഥാർഥ്യമാക്കണമെന്നാണ് ആവശ്യപ്പെട്ടത്. 2009 ലാണ് ലോകനാർക്കാവ്--പയംകുറ്റിമല ടൂറിസം പദ്ധതിക്ക് അന്നത്തെ എൽ.ഡി.എഫ് സർക്കാറാണ് ഏഴുകോടി രൂപ അനുവദിച്ചത്. ടൂറിസ്റ്റ് കേന്ദ്രത്തിലേക്കുള്ള റോഡ് നിർമാണം മാത്രമാണ് അന്ന് കാര്യമായി നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.