കൊടിയത്തൂർ: അമിതമായ വൈദ്യുതിപ്രവാഹം മൂലം ഗൃഹോപകരണങ്ങൾക്കും മറ്റും കേടുപാടുകൾ സംഭവിച്ചതായി പരാതി. കൊടിയത്തൂർ പഞ്ചായത്തിലെ പന്നിക്കോട് കെ.എസ്.ഇ.ബി ട്രാൻസ്ഫോർമറിന് കീഴിലുള്ള 70 ഓളം വീടുകളിലെ വൈദ്യുതി ഉപകരണങ്ങൾക്കാണ് കേടുപാടുകൾ സംഭവിച്ചത്. പല വീടുകളിലെയും സംഗീത ഉപകരണങ്ങൾ അടക്കമുള്ള ഇലക്ട്രിക് ഉപകരണങ്ങളും ലൈറ്റുകളും കത്തിനശിച്ചിട്ടുണ്ട്. ബുധനാഴ്ച രാവിലെ തന്നെ അമിതമായ വൈദ്യുതിപ്രവാഹം അനുഭവപ്പെട്ടിരുന്നതായി നാട്ടുകാർ പറയുന്നു. എന്നാൽ, അധികൃതർ ഇത് ഗൗരവത്തിലെടുത്തില്ല. ഇതാണ് നാശനഷ്ടങ്ങൾ കൂടാൻ കാരണമെന്നാണ് നാട്ടുകാരുടെ ആരോപണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.