കോഴിക്കോട്: മാവൂർ റോഡ് കെ.എസ്.ആർ.ടി.സി സ്റ്റാൻഡിൽ വീണ്ടും യാത്രക്കാരെൻറ പോക്കറ്റടിക്കാൻ ശ്രമം. ശനിയാഴ്ച രാത്രി 12ഒാടെ താമരശ്ശേരി ബസ് നിർത്തിയിടുന്ന ഭാഗത്തായിരുന്നു സംഭവം. ഇതരസംസഥാന തൊഴിലാളിയുടെ പഴ്സ് മോഷ്ടിക്കാനാണ് ശ്രമം നടന്നത്. ഇയാൾ ബഹളംവെച്ചതിനെതുടർന്ന് യാത്രക്കാർ മോഷ്ടാവിനെ തടഞ്ഞുവെച്ചെങ്കിലും കടന്നുകളയുകയായിരുന്നു. പരാതിയില്ലെന്ന് ഇതര സംസ്ഥാന തൊഴിലാളി അറിയിച്ചതോടെ പൊലീസ് കേസെടുത്തില്ല. ഒരാഴ്ചമുമ്പ് വിദേശത്തുനിന്നെത്തിയ കണ്ണൂർ സ്വദേശിയുടെ പണമടങ്ങിയ പഴ്സ് മോഷ്ടിക്കാൻ ശ്രമം നടന്നിരുന്നു. സ്ഥിരമായി കൃത്രിമ തിരക്കുണ്ടാക്കി സ്റ്റാൻഡിൽ പോക്കറ്റടി സംഘം വിലസുന്നതായി പരാതിയുണ്ട്. സി.സി.ടി.വി സ്ഥാപിക്കണമെന്ന് പൊലീസ് നിർദേശിച്ചെങ്കിലും കെ.എസ്.ആർ.ടി.സി അധികൃതർ പരിഗണിക്കുന്നില്ലെന്ന് പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.