പേരാമ്പ്ര: ചെങ്ങോടുമലയിൽ റോഡ് നിർമാണത്തിെൻറ മറവിൽ നടക്കുന്ന അനധികൃത ഖനനം നിർത്തിവെപ്പിക്കാനുള്ള നടപടി സ്വീകരിക്കണമെന്നാവശ്യപ്പെട്ട് കോട്ടൂർ ഗ്രാമപഞ്ചായത്ത് അംഗം ടി.കെ. രഗിൻലാൽ കോട്ടൂർ വില്ലേജ് അധികൃതർക്ക് പരാതി നൽകി. അനുമതിയുള്ളതിൽ കൂടുതൽ ഖനനം നടത്തുന്നതായാണ് പരാതി. ഇവരുടെ സ്ഥലത്ത് 1.5 കിലോമീറ്റർ നീളത്തിൽ ആറു മീറ്റർ വീതിയിൽ റോഡ് നിർമിക്കുന്നുണ്ട്. പാറ യന്ത്രമുപയോഗിച്ച് പൊട്ടിച്ചാണ് റോഡ് നിർമിക്കുന്നത്. ഇവിടെ ഡെൽറ്റ റോക്സ് പ്രൊഡക്ട് കമ്പനി 11. 88 ഏക്കർ സ്ഥലത്ത് കരിങ്കൽ ഖനനം നടത്താനുള്ള ശ്രമം നടത്തുന്നുണ്ട്. പരിസ്ഥിതി ദുർബല പ്രദേശമായ ഇവിടെ ഖനനം അനുവദിക്കരുതെന്നാവശ്യപ്പെട്ട് നാട്ടുകാർ സമരരംഗത്താണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.