മുക്കം: വിവാഹ വാഗ്ദാനം നൽകി 17 വയസ്സുകാരിയെ പീഡിപ്പിച്ച സംഭവത്തിൽ യുവാവ് അറസ്റ്റിൽ. കാരശേരി ഗ്രാമപഞ്ചായത്തിലെ മുരിങ്ങംപുറായി പാലക്കാംപൊയിൽ സ്വദേശി അബ്ബാസ് (23) ആണ് മുക്കം പൊലീസിെൻറ പിടിയിലായത്. പ്രതി ചെറുവാടി പഴംപറമ്പിൽ വീട് വാടകക്കെടുത്ത് താമസിച്ചുവരുകയാണ്. കഴിഞ്ഞ മാർച്ച് രണ്ടിനാണ് കേസിനാസ്പദമായ സംഭവം. വിവാഹവാഗ്ദാനം നൽകി പ്രലോഭിപ്പിച്ച് കൊടിയത്തൂരിലെ ഒരു വീട്ടിൽ കൊണ്ടുപോയി പീഡിപ്പിച്ചതായാണ് പെൺകുട്ടി പരാതിപ്പെട്ടിരിക്കുന്നത്. കുട്ടി ഗർഭിണിയായതിനെ തുടർന്ന് രക്ഷിതാക്കൾ മുക്കം പൊലീസിൽ പരാതി നൽകുകയായിരുന്നു. മുക്കം എസ്.ഐ അഭിലാഷ്, എ.എസ്.ഐ ബേബി മാത്യു, അഡീഷനൽ എസ്.ഐ ഹമീദ്, സലാം മുട്ടാത്ത്, ഷഫീഖ്, രതീഷ് എന്നിവർ ചേർന്നാണ് പ്രതിയെ പിടികൂടിയത്. പോക്സോ പ്രകാരം കേസ് രജിസ്റ്റർ ചെയ്ത് പ്രതിയെ കോടതി റിമാൻഡ് ചെയ്തു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.