പേരാമ്പ്ര: മുളിയങ്ങൽ -കായണ്ണ റോഡിൽ വാളൂർമുക്കിൽ മാസങ്ങളായി അപകടാവസ്ഥയിലുള്ള വൈദ്യുതി കാൽ മാറ്റിയില്ല. നേരത്തെ വാഹനം തട്ടിയതിനെ തുടർന്ന് ഒടിഞ്ഞ വൈദ്യുതികാൽ മരക്കഷ്ണം വെച്ചുകെട്ടിയിരിക്കുകയാണ്. ഈ പോസ്റ്റിൽ നിന്നും നിരവധി സർവിസ് ലൈൻ പോകുന്നുണ്ട്. പ്രദേശവാസികൾ ഭീതിയോടെയാണ് ഇതിലെ വഴി നടക്കുന്നത്. വാളൂർ ഗവ. യു.പി സ്കൂൾ, ഖുവ്വത്തുൽ ഇസ്ലാം മദ്റസ, പള്ളി, പുളിക്കണ്ടി മഠപ്പുര മുത്തപ്പൻ ക്ഷേത്രം എന്നിവിടങ്ങളിലേക്കുള്ള വഴിയിലാണ് പോസ്റ്റുള്ളത്. നിരവധി തവണ കെ.എസ്.ഇ.ബി ഓഫിസിൽ പരാതി നൽകിയെങ്കിലും ഒരു നടപടിയും സ്വീകരിക്കാൻ അധികൃതർ തയാറാവുന്നില്ലെന്ന് നാട്ടുകാർ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.