പേരാമ്പ്ര: പേരാമ്പ്ര ഫസ്റ്റ് ക്ലാസ് മജിസ്ട്രേറ്റ് കോടതി രണ്ടിൽ ബുധനാഴ്ച നടന്ന അദാലത്തിൽ 63 കേസുകൾ തീർപ്പായി. ബാലുശ്ശേരി, അത്തോളി, പെരുവണ്ണാമൂഴി പൊലീസ് സ്റ്റേഷനുകളിലെ വർഷങ്ങളായുള്ള കേസുകളാണ് അദാലത്തിൽ തീർപ്പാക്കിയത്. ബസിൽനിന്ന് വീണ് പരിക്ക് പേരാമ്പ്ര: കയറും മുേമ്പ ബസ് ഓടിച്ചുപോയതിനെ തുടർന്ന് വീണ് അന്ധവിദ്യാർഥിക്ക് പരിക്കേറ്റതായി പരാതി. നൊച്ചാട് ഹയർസെക്കൻഡറി സ്കൂൾ വിദ്യാർഥി കല്ലൂർ തെരുവത്ത് സുഹൈൽ അബ്ദുല്ലക്കാണ് (15) പരിക്കേറ്റത്. ബുധനാഴ്ച രാവിലെ 9.30ഒാടെ മൂരികുത്തി സ്റ്റോപ്പിലാണ് സംഭവം. ബസിൽ കയറാൻ സ്റ്റെപ്പിൽ കാൽവെക്കുമ്പോഴേക്കും ബസ് നീങ്ങി. ഇതോടെ കാഴ്ചശക്തിയില്ലാത്ത വിദ്യാർഥി വീഴുകയായിരുന്നു. കുറ്റ്യാടി -കോഴിക്കോട് റൂട്ടിൽ ഓടുന്ന ഗോകുലം ബസിനെതിരെ പേരാമ്പ്ര പൊലീസിൽ പരാതി നൽകി. ഈ റൂട്ടിൽ സ്വകാര്യ ബസുകൾ വിദ്യാർഥികളെ കയറ്റാതെ പോകുന്നത് പതിവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.