കോഴിക്കോട്: ജില്ല സാമൂഹികശാസ്ത്ര ക്ലബ് സംഘടിപ്പിച്ച ജില്ലതല വാര്ത്തവായന മത്സരത്തില് കൊടുവള്ളി ഉപജില്ലയിലെ ചക്കാലക്കല് ഹയർ സെക്കന്ഡറി സ്കൂള് വിദ്യാർഥിനി നവ്യ എസ്. നാഥ് ഒന്നാംസ്ഥാനവും മുക്കം ഉപജില്ലയില് പുല്ലൂരാംപാറ എസ്.ജി.എസ്.എസിലെ അലീന സജി രണ്ടാം സ്ഥാനവും കുന്ദമംഗലം എച്ച്.എസ്.എസിലെ എം.ജി.എം. ആതിര മൂന്നാം സ്ഥാനവും നേടി. ഒന്നും രണ്ടും സ്ഥാനക്കാര്ക്ക് ഈമാസം 30ന് മലപ്പുറത്ത് നടക്കുന്ന സംസ്ഥാനതല മത്സരത്തില് പങ്കെടുക്കാം. കോഴിക്കോട് ഡി.ഡി.ഇ ഇ.കെ. സുരേഷ് മത്സരം ഉദ്ഘാടനം ചെയ്തു. ക്ലബ് സെക്രട്ടറി ജി.കെ. വേണു അധ്യക്ഷത വഹിച്ചു. ഡയറ്റ് പ്രിന്സിപ്പല് അജിത്കുമാർ, പ്രോജക്ട് ഓഫിസര് ജയകൃഷ്ണന് എന്നിവര് സംസാരിച്ചു. ഉമ്മര് മങ്ങാട് സ്വാഗതവും റോബിൻസ് ജോണ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.