മേപ്പയൂർ: ടാഗോർ ആർട്സ് ആൻഡ് സ്പോർട്സ് ക്ലബിെൻറ ആഭിമുഖ്യത്തിൽ നടത്തിയ ഓണം-ബക്രീദ് ആഘോഷപരിപാടികളും പ്രതിഭകളെ ആദരിക്കൽ ചടങ്ങും 'ടാഗോർ സ്നേഹോത്സവം-2017' മേപ്പയൂർ പഞ്ചായത്ത് വൈസ് പ്രസിഡൻറ് കെ.ടി. രാജൻ ഉദ്ഘാടനം ചെയ്തു. ഏഷ്യൻ ഗെയിംസ് മെഡൽ ജേതാവ് വരകിൽ നീന, അബൂദബി ശക്തി അവാർഡ് ജേതാവ് പ്രഫ. സി.പി. അബൂബക്കർ, യുവകർഷകൻ എം.പി. ശ്രീജേഷ്, ജീവകാരുണ്യപ്രവർത്തകൻ വിനോദ് കാരേക്കണ്ടി, എസ്.എസ്.എൽ.സി ഫുൾ എ പ്ലസ് ജേതാവ് ജി.എസ്. തേജ ലക്ഷ്മി എന്നിവരെയാണ് ആദരിച്ചത്. കൃഷ്ണദാസ് മേപ്പയൂർ അധ്യക്ഷത വഹിച്ചു. കുട്ടികൾക്കും മുതിർന്നവർക്കുമായി കലാകായിക മത്സരങ്ങൾ നടത്തി. എം.എം. ബാബു, കെ.ടി. നാരായണൻ മിഥില, ടി.എം. ഷിജു, പട്ടോറക്കൽ സുരേഷ് എന്നിവർ സംസാരിച്ചു. ക്ലബ് സെക്രട്ടറി പി.കെ. ഷിംജിത്ത് സ്വാഗതവും ഇ.എം. വിനോദൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.