നന്തിബസാർ: നിരന്തരം വാഹനങ്ങൾ പോകുന്ന കോടിക്കൽ റോഡും തകർന്നതോടെ തീരദേശയാത്രയും ദുഷ്കരമാകുന്നു. റോഡിൽ നിറയെ കുഴികൾ കാരണം യാത്രക്കാരുടെ നടുവൊടിയുന്ന അവസ്ഥയാണ്. റോഡിൽ വെള്ളമൊഴുകാൻ ഓടകളില്ലാത്തതും, വൃക്ഷങ്ങളിലെ വെള്ളം ശക്തിയോടെ വീഴുന്നതും കാരണമാണ് തകരാൻ കാരണം. ഇരുചക്രവാഹനങ്ങൾ കുഴിയിൽ വീഴുന്നത് പതിവുകാഴ്ചയാണ്. കൊയിലാണ്ടിയിൽനിന്ന് ഈ വഴി മൂന്ന് ബസുകൾ ഒാടിയിരുന്നിടത്ത് ഇപ്പോൾ രണ്ടു ബസുകളേയൂള്ളൂ. ഓടിക്കാൻ ഡ്രൈവറെ കിട്ടാനില്ലെന്ന കാരണം പറഞ്ഞ് ബസുകൾ ട്രിപ്പുകൾ മുടക്കുകയാണ്. ഓട്ടോറിക്ഷകൾക്കും ഈ വഴി വരാൻ മടിയാണ്. തിക്കോടി ബിച്ചു, തെക്കേക്കടപ്പുറം, കോടിക്കൽ, പള്ളിവാതുക്കൽ, നാരങ്ങോളികുളം എന്നിവിടങ്ങളിലുള്ള യാത്രക്കാരാണ് കൂടുതൽ ബുദ്ധിമുട്ടനുഭവിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.