തേഞ്ഞിപ്പലം: കാലിക്കറ്റ് സർവകലാശാലയിൽ വരാനിരിക്കുന്ന നോമിനേറ്റഡ് സിൻഡിക്കേറ്റിൽ 14 പേരുൾപ്പെടുമെന്ന് സൂചന. സി.പി.എം തലത്തിൽ അംഗങ്ങളുടെ പട്ടിക തയാറാക്കി വരുകയാണത്രേ. 14 അംഗങ്ങളിൽ ആറു വീതം വിദ്യാഭ്യാസ പ്രവർത്തകരും അധ്യാപക പ്രതിനിധികളുമുണ്ടാവും. ഇതിൽ ഒരു വനിതയും ഉൾപ്പെടും. പട്ടികജാതി, വിദ്യാർഥി എന്നീ വിഭാഗങ്ങളിൽനിന്ന് ഒരാൾവീതവും ഉണ്ടാകും. കഴിഞ്ഞ മാസം 29ന് സെനറ്റ്, സിൻഡിക്കേറ്റിെൻറ കാലാവധി അവസാനിച്ചിരുന്നു. സംസ്ഥാനം ഭരിക്കുന്ന ഇടതുമുന്നണിയുമായി ബന്ധമുള്ളവരാകും നോമിനേറ്റഡ് സിൻഡിക്കേറ്റിലെത്തുക. പാർട്ടിതലത്തിൽ അംഗീകരിച്ച പട്ടിക സർക്കാർ ഗവർണർക്ക് സമർപ്പിക്കും. ചാൻസലർ കൂടിയായ ഗവർണറാണ് അന്തിമപ്രഖ്യാപനം നടത്തുക. അതിനിടെ, നിലവിലെ സിൻഡിക്കേറ്റിനെ തുടരാൻ അനുവദിക്കണമെന്നാവശ്യപ്പെട്ട് യു.ഡി.എഫ് സിൻഡിക്കേറ്റംഗങ്ങൾ ഗവർണർക്ക് നിവേദനം നൽകിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.