നാദാപുരം: ജനകീയകൂട്ടായ്മ പ്രവർത്തകർ നാദാപുരത്തുനിന്ന് അഞ്ചാമത്തെ മാലിന്യവണ്ടിയും ഫ്ലാഗ് ഓഫ് ചെയ്തു. നിറവുമായി സഹകരിച്ച് നടപ്പാക്കുന്ന പദ്ധതിയുടെ ഭാഗമായാണ് മാലിന്യം കയറ്റി അയച്ചത്. ടൗൺ മാലിന്യത്തിനുപുറമെ ഇരുപതാം വാർഡിലെ വീടുകളിൽ നിന്ന് ശേഖരിച്ച 40 - മാലിന്യചാക്കുകളും കയറ്റി അയച്ചു. ടൗണിലെ ഓട്ടോതൊഴിലാളികളാണ് മാലിന്യവണ്ടി ഫ്ലാഗ് ഓഫ് ചെയ്തത്. എരോത്ത് ശൗക്കത്ത് അലി ഉദ്ഘാടനം ചെയ്തു. ഡോ. പി.ഹമീദ്, ലത്തീഫ് പാലോടൻകണ്ടി, കെ.കെ.സി. സഫ്വാൻ, മഠത്തിൽ ഷൗക്കത്ത് എന്നിവർ സംസാരിച്ചു. കഴിഞ്ഞ ജൂൈല, ആഗസ്റ്റ് മാസങ്ങളിൽ ജനകീയ വേദിയുടെ നേതൃത്വത്തിൽ നാദാപുരം, കല്ലാച്ചി ടൗൺ ശുചീകരിച്ച് ശേഖരിച്ച മാലിന്യങ്ങൾ നാലു-ലോഡുകളിലായി സംസ്കരണകേന്ദ്രങ്ങളിലേക്ക് കയറ്റി അയച്ചിരുന്നു. മാലിന്യനീക്കത്തിന് നേരേത്ത മാസത്തിൽ രണ്ടുലക്ഷം രൂപയോളം ചെലവഴിച്ചിരുന്ന അധികൃതർ ഇപ്പോൾ കാശൊന്നും ചെലവഴിക്കുന്നില്ലെന്നും പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.