അത്തോളി: ഭിന്നശേഷി വിദ്യാർഥികളെ മുഖ്യധാരയിലെത്തിക്കുകയെന്ന ലക്ഷ്യത്തോടെ അത്തോളി ഗവ. വൊക്കേഷനൽ ഹയർ സെക്കൻഡറി സ്കൂളിലെ ഐ.ടി ക്ലബ് സർഗ- 2017 സ്പെഷൽ കലോത്സവത്തിന് വേദിയൊരുങ്ങി. അത്തോളി പഞ്ചായത്തിലെ സർക്കാർ, എയിഡഡ് മേഖലയിൽ പ്രവർത്തിക്കുന്ന 11 സ്കൂളിലെ ഭിന്നശേഷി വിദ്യാർഥികൾക്കായാണ് കലോൽസവം സംഘടിപ്പിച്ചത്. അത്തോളി പഞ്ചായത്ത് പ്രസിഡൻറ് ചിറ്റൂർ രവീന്ദ്രൻ ഉദ്ഘാടനം ചെയ്തു. പ്രിൻസിപ്പൽ ആർ .ഇന്ദു അധ്യക്ഷത വഹിച്ചു. ഭരതനാട്യം, നാടോടി നൃത്തം, കീബോർഡ് വായന, മാപ്പിളപ്പാട്ട്, ഗിറ്റാർ, മോണോ ആക്ട്, ഒപ്പന, നാടൻപാട്ട് എന്നീ പരിപാടികളാണ് അരങ്ങേറിയത്. ഡെപ്യൂട്ടി എച്ച്.എം കെ.ടി. സുരേന്ദ്രൻ സമ്മാനം വിതരണം ചെയ്തു. അനിത, ഭിന്ന ശേഷി കൂട്ടായ്മ പ്രവർത്തകൻ രാജൻ പറമ്പത്ത് എന്നിവർ സംസാരിച്ചു. പ്രോഗ്രാം കമ്മിറ്റി കൺവീനർ പി.എം. ഉഷ സ്വാഗതവും ഐ.ടി ക്ലബ് കൺവീനർ വൃന്ദ ബാബു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.