ബാലുശ്ശേരി: നിലപാടുകളില്ലാത്ത ഒരു താരമായി ഇരിക്കുന്നതിനേക്കാൾ നിലപാടുകളുള്ള ഒരു മനുഷ്യനായിരിക്കുന്നതാണ് നല്ലതെന്ന് സിനിമ നടനും തിരക്കഥാകൃത്തുമായ ജോയ് മാത്യു. ബാലുശ്ശേരിയിൽ വൈറ്റ് പീജിയൻസ് കലാ സാംസ്കാരിക സംഘടനയുടെ ഉദ്ഘാടനം നിർവഹിക്കുകയായിരുന്നു അദ്ദേഹം. സാമൂഹിക പ്രശ്നങ്ങളിൽ ഇടപെടുന്ന താരങ്ങൾ സിനിമ രംഗത്ത് ഇല്ലെന്നും അദ്ദേഹം പറഞ്ഞു. കെ. രതീഷ്കുമാർ അധ്യക്ഷത വഹിച്ചു. രാഗേഷ് ബ്രഹ്മാനന്ദൻ ഗാനാലാപനം നടത്തി. സംസ്ഥാന അവാർഡ് നേടിയ മേക്കപ്പ് മാൻ എൻ.ജെ. റോഷൻ, വിദ്യാരംഗം സാഹിത്യവേദി സംസ്ഥാന നാടക പുരസ്കാര ജേതാവ് ഹരി നന്മണ്ട എന്നിവരെ ആദരിച്ചു. ആർ.സി.സി.ഇ....... സ്വാഗതവും ഫൈസൽ മുഹമ്മദ് നന്ദിയും പറഞ്ഞു. വിവിധ കലാപരിപാടികളും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.